मंडळाचे डेकोरेशन हे पंचक्रोशी मध्ये नावलौकिक आहे.या डेकोरेशनच्या माध्यमातून प्रतिवर्षी समाजाकरता एक सामाजिक संदेश देणारे अगदीच कमी खर्चामध्ये डेकोरेशन केले जाते.यामध्ये आजवर शेतकऱ्याचे आत्महत्या थांबवणेबाबत जनजागृती करणे, बळीराजा व त्याच्या कार्याला बळकटी देण्याकरिता बैलगाडी देखावा,मुखे प्राण्याचे जीवन -हाती देखावा, वृक्षारोपण काळाची गरज,प्रदूषण टाळा व विजेची बचत करा. श्रीकृष्ण जन्म कथा - वासुदेव प्रकृती आणि अष्टविनायक दर्शन इत्यादी डेकोरेशनचे उत्तम प्रकारे सादरीकरण मंडळाने आजवर केलेले आहे.

मंडळाचे प्रत्येक कार्यकर्त्यांच्या घरामध्ये छोटे गणपती बसविले जात होते परंतु मंडळाच्या स्थापनेच्या वर्षापासून कमी कार्यकर्त्याच्या अभावी घरातील सर्वांचे गणपती बसवणे बंद करून व एकाच ठिकाणी सार्वजनिक मंडळातील गणपती बसवून त्याची सेवा केली जाते.

गणपती मंडळ स्थापनेपासून मंडळातील सर्वच महिलावर्ग व पुरुष यांना आजवर कोणत्याही कार्यामध्ये कमतरता न भासल्याने मंडळातील प्रत्येक कुटुंबामध्ये दोन ते तीन महिला व पुरुष प्रत्येक वर्षी गणपतीच्या आगमनापासून ते विसर्जनापर्यंत ११ दिवस उपवास धरत असतात.

असे म्हणतात ना एखाद्या पुरुषाच्या यशाच्या पाठीमागे घरातील स्त्रीचा पाठिंबा असतो.याचप्रमाणे आपल्या मंडळाच्या उत्कृष्ट कार्यापाठीमागे मंडळातील सर्वच लहान व थोर मंडळातील महिला वर्गाचा तसेच माहेरवासीनी महिलांचाही नेहमीच पाठिंबा लाभलेला आहे. कारण मंडळाचे कार्य करत असताना प्रत्येक कार्यामध्ये तसेच गणपती मिरवणूक असो किंवा मंडळाचा कोणताही कार्यक्रम असो त्या वेळी पूर्ण विभागांमध्ये रांगोळी काढायची असो या महिला नेहमीच या कार्यासाठी अग्रेसर असतात.

मंडळाची गणेश विसर्जनाची मिरवणूक प्रतिवर्षी सांप्रदाय पद्धतीने केली जाते.यामध्ये आजवर भजनी मंडळ, शाही मिरवणूक, धनगरी ढोल, लेझीम पथक, शिवकालीन दांडपट्टा, झांज पथक इत्यादी प्रमाणे केली असून यामध्ये महिला व पुरुष वर्गाचा मोठा सहभाग असतो.

मंडळाने आजवर फक्त गणपती बसवणे व विसर्जन करणे एवढेच कार्य न करता आपण ही समाजासाठी काहीतरी देणे लागतो या उद्देशाने आजवर मंडळाच्या वतीने शाळेतील गरजू मुलांना वह्या वाटप, गरजू मुलांना एक वर्षासाठी पालकत्व स्वीकारणे, कोरोना कालावधीत अत्यावश्यक वस्तूचे किट वाटप, गावामध्ये सार्वजनिक ठिकाणी बसण्याच्या व्यवस्थेकरिता बाक देणे, गावातील गरजू व्यक्तींना अत्यावश्यक वस्तूंचे किट वाटप, गावच्या वेशिवरती रस्त्याच्या दुथर्फी बाजूस वृक्षारोपण करणे,ग्रामस्थाकरिता अष्टविनायक तीर्थयात्रेचे उत्तम नियोजन करणे असे अनेक समाजोपयोगी विविध प्रकारचे कार्यक्रम राबवलेले असते.

मंडळातील सर्वच कार्यकर्ते यांच्यामध्ये कोणती ना कोणती कला व कौशल्य दडलेले आहे. त्याप्रमाणेच ज्याच्या अंगी जे कौशल्य आहे. त्याला मंडळातील त्याचप्रमाणे कार्याचे नियोजन दिले जाते. याचा आजवर मंडळाला उत्तम प्रकारे परतावा मिळाला आहे. त्यामुळे प्रत्येक कार्यकर्ता आपली कला मंडळाच्या कार्या मध्ये दाखवत असतो त्यामुळे मंडळाचे कार्य अतिशय उत्तम प्रकारे पार पडले जाते.